recent
أخبار ساخنة

معجزة جديده للشهيد بيشوي ابونا دانيال وفادي رمسيس


معجزة للشهيد بيشوي ابونا دانيال وفادي رمسيس وشفاء فتاة من السرطان

 امبارح كنت تعبانه جدا جدا وحسيت ان معدتى وجعانى ومش عارفه اقوم ولا اتحرك المهم روحت للدكتور وقالى لا انا شاكك فى حاجه انا قولتله انا عندى وكنت لسه هكمل قالى لا استنى انا لسه مش متأكد يمكن يكون مفيش اى حاجه المهم قولتله طب اعمل ايه عشان اتأكد قالى روحى اعملى اشعه على بطنك كلها المهم روحت لدكتور الأشعة وعملت الاشعه و روحت للدكتور قولتله انا عملتها سكت شويه وبعدين قالى انتى عندك سرطان المهم انا سمعت كده وعيطت بس قولت يمكن الدكتور ده مش فاهم حاجه وكنت بقول كده فى سرى وبصلي و قال مش مصدقه حقك عادى جدا روحى لدكتور اورام واطمنى منه المهم روحت لدكتور اورام ووريته الاشعه قالى للأسف انتى عندك سرطان ورحت للدكتور اللى متابعة معاه وقلتله طب اعمل ايه قالى هنعمل عمليه نشيل الورم السرطاني ده المهم انا قولتله ماشى وروحت البيت بالصدفه قريت على الفيس معجزات عن شهداء كنيسه مارجرجس وخصوصا عن الشهيد بيشوى ابن ابونا دانيال وعن الشهيد فادى رمسيس والشهيد مينا نعيم وطبعا باقى الشهداء بس دول اللي انا قريتهم المهم اختى قالتلى طب اتشفعى بيهم انا متأكدة انهم هيقفوا معاكى المهم قولت طب خلاص انا هتشفع بيهم والعمليه بتاعتى كانت بعد بكرة وجه يوم العملية صحي وحضرت نفسى وقبل ماانزل قولت ياااارب ارجوك ساعدنى بشفاعه شهداء كنيسه مارجرجس وبشفاعة كل القديسين وقولت هطلب شفاعة الشهيد بيشوي والشهيد فادي روحت المستشفى والدكتور جاهز وانا جاهزه فخلاص دخلت غرفه العمليات والدكتور ادانى البنج ونمت مفيش ساعة وحسيت الدكتور بيفوقنى وانا عارفه ان البنج وقته طويل فسألت الدكتور هو فى ايه انت لحقت تعمل العمليه قالى انا معملتش العمليه فسألته نعم !!! اومال انا جيت هنا ليه قالى بصي بصراحة انا مش لاقي الورم قولتله ازاى يعنى قالى اللي حصل معاكي ده معجزة بكل المقاييس ومش لاقى الورم اختفى تماما وكنت مصدومة فروحت البيت وقعدت اشكر ربنا واشكر شهداء كنيسه مارجرجس والشهيد العظيم بيشوي والشهيد العظيم فادي على اللى عملوه معايا
علي لسان طنط منال والدة الشهيد فادي رمسيس
google-playkhamsatmostaqltradent