recent
أخبار ساخنة

نداء عاجل الي الامن تحذير وسيلة جديدة لتحرش بالبنات المسيحية

 توكتوك عزبة النخل
من امبارح تواصل معايا بنات كتير بخصوص موضوع رش الكلور في 
منطقة عزبة النخل

هل تعلم عدد البنات اللي تعرضت للموضوع ده ؟
علي حسب اللي تواصل معايا 28 بنت

طب هل تعلم كام واحده منهم عملت محضر ؟
ولا واحده

يعني في البداية قبل التقصير الامني في تقصير مننا اننا نبلغ و نعمل محاضر و تتسجل 
مهو الامن بتاعنا مش هيتحرك من نفسه .. بالنسبه للحكومة مفيش حاجه بتحصل عشان مفيش بلاغات اتقدمتلهم

انا هقول جزء من شهادات الضحايا

الاسم : س. منير
مكان الحادث : شارع الفريد
تاريخ الحادث : 1/5/2017
التوقيت : 11 م
شهادة المعتدي عليها : التوكتوك الازاز بتاعه متفيم و بيرشوا بسرنجه عشان محدش ياخد باله ياريت العيال دي تتجاب لانهم بدأوا يرشوا علي الجسم مش البناطيل و بس و كل البنات بقت تمشي و هي مرعوبه

الاسم : م. ناصر 
مكان الحادث : شارع الفريد
تاريخ الحادث : 13/4/2017
التوقيت : 9:00 م 
شهادة المعتدي عليها : اللي حصل اني كنت ماشيه عادي عدي توكتوك من جنبي رش عليا كلور و حود في الشارع براحه من غير ما يجري او يعمل قلق بعد كده حسيت بحرق في جسمي و شميت ريحه كلور لقيت كلور علي هدومي

الاسم : م.سيد
مكان الحادث : شارع الفريد - عند محل مزايا 
تاريخ الحادث : 13/4/2017
التوقيت : 9:00 م 
شهادة المعتدي عليها : كنت طالعه من محل مزايا توكتوك جه من ورايا و انا سمعته بيقول "دي مسيحيه عيد عليها يا عم" .. انا افتكرته هيعاكس فابتديت امد راح رش عليا كلور و هو بيقول " الله اكبر" .. و اختفي ملحقتش اشوف اي حاجه 
رجلي فضلت تحرقني و كنت لوحدي و خايفه و ملحقتش اعمل اي حاجه 
بابا بلغ قوه التأمين عند الكنيسة و الظابط اللي موجود قاله هنحاول نجيبه لكن مفيش حاجه حصلت

الاسم : ي. يعقوب - تعرضت للواقعة مرتين 
مكان الحادث : شارع سليم الزقلة - عند سنتر السنيور 
تاريخ الحادث : 29/4/2017
التوقيت : 2 ظهرا 
مكان الحادث : شارع الفريد - عند صيدلية بارثينوس
تاريخ الحادث : 21/5/2017
التوقيت : 8 مساءاً

الاسم : م. ايمن 
مكان الحادث : شارع الترعة التوفيقية - عند الكوبري الجديد
تاريخ الحادث : 10/4/2017
التوقيت : 9 م 
الاسم : ا. ن. و شقيقتها 
مكان الحادث : شارع جمال عبد الناصر
تاريخ الحادث : 29/4/2017
التوقيت : 9 م

الاسم : ه.عبده
مكان الحادث : مره عند شارع الفريد - مرتين شارع الترعة التوفيقية - عند الكوبري الجديد
شهادة المعتدي عليها : تعرضت للواقعة 3 مرات اللي فكراه من التوكتوك ان في كلام في الاخر كده علي جنب بلون ابيض بس الكلام مش واضحلي

الاسم : م. رافت
مكان الحادث : شارع الفريد
تاريخ الحادث : 24/5/2017
التوقيت : 9:30 م

الاسم : م. و صديقتها 
مكان الحادث : شارع الترعة التوفيقية - عند الكوبري الجديد
تاريخ الحادث : 31/5/2017
التوقيت : 9:30 ص

التوكتوك بقي مصدر رعب لسكان عزبة النخل .. اللي 90% من سكانها بيستخدموا المترو في كل مشاويرهم 
بمجرد نزولهم من المترو بيلاقوا المشهد اللي في اول صوره في انتظارهم و معاه تحرش جسدي و لفظي بكل بنت خارجه من المترو 
و زي ما قريتم الشهادات بتاعت ضحايا الاعتداء بالكلور احب اوضح ان الحوادث دي كلها بدئت من احتفالات المسيحين باسبوع الالام ثم العيد و كل البنات اللي اتكلمت مسيحين و طبعا الحكومة مغيبه عن اللي بيحصل و للاسف مفيش بنت من الضحايا راحوا عملوا محاضر عشان تأكدهم ان الحكومة مش هتتحرك .. فعلا الحكومة مش هتتحرك غير لما يبقي في ضغط كبير مننا انها تنزل في الشارع و تحل الازمة اللي بقالها 10 سنين في عزبة النخل

خطف - سرقة - تحرش جنسي - اعتداء جسدي و لفظي - تعطيل حركة المرور

كل ده بيحصل و الحكومه رافعه ايديها عن المنطقة .. فهل من مغيث
google-playkhamsatmostaqltradent