recent
أخبار ساخنة

تعالوا نعرف حكاية القديس ابو جمل وسبب تسميته اعمل شيرا لو اول مرة تعرفه

صورة غير مالوفة لمارمينا وشرح الصورة دى الآتى
الحقيقه مار مينا بيترسم باكتر من شكل صورته المشهوره وهو واقف وليه صوره وهو راهب وصوره و هو فارس على حصان.
انما الصوره دى من اعجب الصور.
مرسومة سنه 1942 من رسام انجيلزى معرفش اسمه و فى منها 4 نسخ فى العالم كله عندنا منها نسختين فى مصر.الصوه بترسم الشهيد راكب على جمل و بيجرى ورا دبابه .
طب ايه الى جاب زمن الجمال للدبابات ؟؟
فى عصر البابا يؤانس ال 19 و بالظبط فى اخر سنه ليه هاجم الألمان بقياده روميل ثعلب الصحراء مصر. وفى الوقت ده كانت مصر تحت الحمايه البريطانيه بقياده مونتجومرى.
المصريين كانو فاكرين الالمان داخلين منتصربن
بحساب العتاد و الاسلحة .
روميل مشهور و متغلبش طول عمره. مونتجومرى مش هياكل معاه بدباباته القديمة قدام دبابات شيندلر الالمانى فى الوقت ده .المهم دخل روميل العلمين .من المنطقه الى تواجد فيها جسد مار مينا.كان فى كتيبه مصريين محطوطة فى وش الحرب.و فى اول المعركة اتحاصرو من الالمان وكانوا مستخدمين الكتيبه طعم علشان يهجمو عالالمان و هما بيدبحو فى الاقباط المصريين.فاتشفع الجنود بالشهيد القبطى و زى ما افوميه سمعت امين من ايقونه الست العدرا و جابت مينا .مينا سمع ولاده و امين ظهرت بشكل عجائبى كعادته
و صحيوا الصبح لقوا قوات روميل كلها مهزومة .بدون اى تدخل حقيقى من عسكرى انجليزى.اللى وصفوه الالمان باليل انهم شافوه جندى بملابس غريبه راكب على جمل و معاه سيف غريب .و حواليه جيش من الجمال بيهاجم بيه معسكرات الالمان و خيمهم و الالمان مكانوش معتادين يشوفوا الجمل فى بلادهم .فعلى بال ما فهمو ايه اللى بيحصل كان نص العساكر اتطحنت و المعسكر كله اتمسح بين عشيه و ضحاها و تانى يوم كان الالمان باعتين رسايل بيقولول فيها ان المصريين بيحاربو بقاااائد مصرى غير معروف و كائنات عملاقه لا قبل للخيل بمواجهتها 
الخبر اتنشر فى الجرايد المصريه فى 10 نوفمبر 1942و مصر كلها سمعت عن النصرانى ( ابو جمال ) الى دافع عن ولاده .و بعد البابا يؤانس جه البابا يوساب و بعده جه حبيب مار مينا البابا كيرلس السادس.فطلب يبنى دير للشهيد فى المنطقه دى احتفاءا بالذكرى و الدوله وافقت ووضعت حجر الاساس هناك للسبب ده بسو جنب الدير لحد دلوقتى فى بلد كامله اثريه اسمها أبو مينا نسبه للشهيد مار مينا اهلها عارفين القصه بتفاصيلها .و يقال ان مار مينا بيتشاف هناك اكتر ما بيشوففو بعض فى الشارع.الصوره الى اتحولت ايقونه رسمها رسام انجليزى على وصف العساكر الالمان فى الوقت ده
شهيد الاقباط .دافع عن الاقباط
google-playkhamsatmostaqltradent