recent
أخبار ساخنة

معجزة ظهور السيد المسيح للمصابة سهام عادل اثناء مذبحة دير الانبا صموئيل

معجزة ظهور السيد المسيح للمصابة لسهام عادل اثناء مذبحة دير الانبا صموئيل 
وانا رايح معهد ناصر النهاردة زى ما يكون فيه حاجة مستنيانى هناك وعادى زى أى حد بروح ازوره من مصابي اهالى الشهداء وبلاقى ابتسامة على وشوشهم وكلمة الحمد لله على لسانهم وبعدين قالولى بس دى ( شاورولي على سهام ) بقى وراها قصة ملامحها حادة رغم بساطتها وطيبتها طب يا سهام ايه بقى اللي حصل قالت وسط الضرب والرصاص ومناظر داعش الملثمة يطلع واحد قمر جميل وجماله زايد ووسط القسوة والشر يبصلها نظرة طيبة وكمان يروح ناحيتها ويطبطب عليها وواحد من داعش ماسك مينا ابنها لقيت الراجل الجميل ده (على فكرة كان كاشف وشه) راحلها وقالها اوعى تخرجى بالولاد خليكو هنا ومتخافيش هياخدوا الدهب وقام كلم اللى ماسك مينا ابنها وقال له سيبهولها وكان كلامها بالنص لقيت الراجل الملثم من غير ما يبص للى بيتكلم كأنه مش شايفه اصلا لقيته ساب ابنها فى لحظة واحدة وكأنه أخد أمر لحد هنا عادى ولو انه مش عادى قوى يعنى 
الموضوع منقول من صوت الكنيسة



بعد كام يوم وهى فى المستشفى لقيت واحدة ادتلها الصورة اللى تحت دى ودى من اغرب صور المسيح على الاطلاق ولقت نفسها اتسمرت قدام الملامح وقالت ايوة هو ده اللى كان وسطهم وعشان ربنا يأكد انها شافته صح واحدة من مكان مختلف شافت رؤيا فيها الحادثة كلها وقالت انها شافت الأنبا صموئيل والسيد المسيح وهم بياخدوا ارواح الشهدا وقالت المسيح نزل بنفسه وراح لواحدة جوة الاتوبيس وطبطب عليها الست صاحبة الرؤيا متعرفش اللى سهام قالته والست اللى ادتلها الصورة متعرفش ان سهام شافته سهام اثبتت ده فى اقوالها وفتكروها مجنونة كل ما تقول لهم كان فيهم واحد طيب يقولوا لها مفيهومش حد طيب سهام دلوقتى بتقول آتارى اللى كان موجود ملك الطيبة كلها كنت هموت واقولها كلمينى عن الطبطبة بس اكيد حاجة متتوصفش الكلام ده مش اول مرة تقوله وكانت بتحكى الكلام ده قدام ناس كتير النهاردة 5 يونية 2017 انا مش بكتب كلام منقول انا بسمع وبنقل من على لسان اللى عاش الموقف  



google-playkhamsatmostaqltradent