يروي مراد سليمان وهو شاب مسيحي في مصر ما حدث معه في محطة المترو عندما حاول مساعدة سيّدة مسنة صدمت عند مشاهدتها الصليب على يده.
عندما يتحوّل التعصّب إلى كراهية شديدة توصل إلى حد رفض مساعدة الأخر بسبب هويته الدينية وهنا نرى في الواقعة التي يرويها “مراد” عندما حاول مساعدة عجوز فى أحدى محطات مترو الانفاق فكانت النتيجة نفور المسنّة بسبب وجود الصليب على يده.
ونقل موقع الحق والضلال ما كتبته مراد على فايسبوك:
“بمنتهي المرارة النهاردة حاولت أساعد مدام فوق ال٥٠ علشان تركب المترو ولما فشلت نزلت معاها علشان ماتتعورش ع الرصيف فبسألها أنا مسكت إيدك حضرتك مركبتيش ليه ؟ فسكتت فقولتلها ولا يهمك انا نزلت علشان خوفت حضرتك تقعي ع الرصيف . قالتلي أنت إزاي تمسك إيدي ؟ فإستغربت السؤال وقولتلها علشان أساعد حضرتك تركبي ؟ قالتي أنا رفضت أركب لما شوفت الصليب علي إيدك ! الصدمة أخدتني ٣٠ ثانية وبعدها إعتذرت ومشيت بعيد عنها وعدي ٤ مترو وأنا مش قادر أركب أو حتي أفكر بعدها إتصلت بالبنك وإعتذرت عن الشغل ورجعت البيت في منتهي الحزن والأسى. #مصر_إتغيرت_وفقدت_جمالها_وأهلها”.
