المعجزة دى حصلت من شوية من واحدة أعرفها وكتبتها وبعتتها بركة شفاعتكم تكون معانا #شهداءليبيا
يا بنات عايزة احكيلكم علي حاجة 😍
النهاردة رجعت من شغلي متأخر و اخدت بنتي من عند ماما و لقيتها سخنة و عرفت انها رجعتوشكلها تعبان ودبلانة اوي.لما بتبقي سخنة اوي كدة بديلها لبوسة عشان مفعولها سريعبس اللي حصل اني اديتهالها و كمان عملتلها كمادات و مفيش نتيجةاديتلها مضاد حيوي قلت الحقها بيه لان مش هعرف اوديها للدكتور غير بكرة بعد الضهر و طبعا دلوقتي الدنيا ليل هوديها فين. و عدت ساعتين و تلاتة و برضه مفيش نتيجة بدأت اتوتر جدا لاني بخاف من السخونة اوي. وكل اللي في ايدي عملته بس الحرارة منزلتش و اول مرة يحصل كدة.وانا فاتحة دلوقتي شفت صور شهداء ليبيا و حطيت ايدي علي البنت لقيتها سخنة جدا رحت ندهت عليهم و قلت بركة دخول اجسادكم ارض مصر ارجوكم نزلوا الحرارة دي لحد الصبح بس انا بخاف من السخونة اوي بتشفع بيكم يا شهداء ليبيا واخد واحد و اسم اسم تمدوا ايديكم علي بنتي و تنزلوا الحرارة ورحت حطيت صورتهم علي دماغها فعلا. بعد اقل من دقيقة قبل حتي ما اقفل صورتهن بحط ايدي عليها لقيتها عادية جدا ولا كأنها كانت سخنة و الحرارة نزلت و نفسها اتظبط بعد ما كانت بتتنفس بالعافية.انا تنحت و بجد مش عارفة اقول حاجة كل اللي عرفت اعمله اني كتبتلكم اللي حصل عشان كلنا نعرف اد ايه شفاعتهم فعلا قوية و اد ايه كنيستنا فعلا قوية بشهداءها
اكسيوس اكسيوس اكسيوس شهداء ليبيا ❤
