recent
أخبار ساخنة

مستنقع طائفية وكراهية ينفجر في ردود الافعال على خبر متدوال بيقول ان البابا رش مية مصلية في النيل .. واليكم التعليق

مستنقع طائفية وكراهية ينفجر في ردود الافعال على خبر متدوال بيقول ان البابا رش مية مصلية في النيل .. واليكم التعليق



مستنقع طائفية وكراهية ينفجر في ردود الافعال على خبر متدوال بيقول ان البابا رش مية مصلية في النيل واليكم التعليق
حدث

صفحات لمواقع إخبارية نشروا خبر بيقول ان البابا رش مية مصلية في النيل (طقس ما لسبب ما انا ماركزتش فيه والله ).
قوم ايه بقى؟ مستنقع طائفية وغل وكراهية انفجر في التعليقات
- ناس معترضين عشان النيل ده ملكية عامة ومش من حق حد يرمي فيه حاجة (فيه واحدة قالت نصا من حقنا نعرف ايه مكونات المية اللي اترمت في النيل دي). شوية مية اترشت على وش النيل العظيم الضخم ده ازعجت الاخوة دول وطلعت فيهم ناشط البيئة ذو الاحاسيس المرهفة تجاه الطبيعة، خايفين على النيل من شوية مية نضيفة مع ان كم التلوث والقرف اللي بيترمي في النيل ويتصرف فيه بصفة يومية وعلى مدار سنين فعلا مرعب.
زي بالظبط الناس اللي عايشين في قرى محرومة من المرافق وحالهم مزري وساكتين او اللي بيشوفوا مباني بتطلع من غير نصاريح وبالرشوة والفساد وساكتين بس يوم ما مسيحي يبني كنيسة او يتلموا شوية مسيحيين في بيت يصلوا يقول لك معهمش تصريح ويطلعوا يكسروا لهم البيت اللي بيصلوا فيه وبيوتهم وبيوت اللي يتشدد لهم كمان.
- لما حد مسلم يعترض على التعليقات المسيئة اللي بتشتم المسيحيين بيدخل له مسلمين يشتموه والشتيمة الاكثر شيوعا واللي واضح انها بقت ترند جديد "بس ياض ياحايض. روح حيض بعيد عننا ايه الحيض ده" . في لفتة رائعة من المواطن المصري العبقري تم مزج احتقار المرأة بالطائفية والتعصب الديني . لا يسعني الا ان اقف احتراما لتلك اللفتة واقول بكل صدق "ياريتها كانت حاضت بدل ما تحبل في نطع زيك"
- واحد مسلم قال لهم ياجماعة عيب كده ما فيه اخبار عن حاجات اسلامية بتتنشر والاخوة المسيحيين مش بييجوا يشتموا. قالوا له ده عشا ن خايفين ينطقوا طبعا وعارفين االلي ممكن يحصل لهم. وبغض النظر عن كون الكلام ده حقيقي او لا بس هو بالتأكيد مش مدعاة للفخر انك تقول "اه انا بلطجي والناس بتخاف تتكلم عشان عارفين اني غشيم وهاطيح فيهم"
- واحد مسلم صورة بروفايله في الحرم بملابس الحج شتم البابا - راح واحد مسيحي قال له خسارة فيك الحج اللي حجيته واضح انه ما اثرش فيك. مسلمين سابوا اللي شتم ومسكوا في المسيحي اللي رد و "انت مالك ومال الحج؟ مين انت عشان تتكلم عن الحج. ماتخليك في دينك. مين انت عشان تقول اللي خسارة واللي مش خسارة" . الواد قال لهم انا مش باشتم ولا اهين الحج بالعكس انا قصدي انه خسارة ف انسان قليل الادب مفيش. واحدة قالت له انا هقدم فيك بلاغ ازدراء اديان في مباحث الاتنترنت.
احنا عندنا مشكلة كبيرة بجد ومش فاهمة ازاي لغاية دلوقت فيه ناس بيقولوا لا احنا عايشين كويسين ومفيش حاجة ومفيش تطرف ولا طائفية ونسيج الوطن وكحك العيد. ومحدش يقول دول اقلية تجاهلوهم. كل ما بتتجاهلوا الفكر ده كل ما بيكبر وهايبلعنا كلنا في يوم.

 
مستنقع طائفية وكراهية ينفجر في ردود الافعال على خبر متدوال بيقول ان البابا رش مية مصلية في النيل .. واليكم التعليق




google-playkhamsatmostaqltradent