عاجل وزيره الهجره نبيله مكرم تتعرض لتهديد من قبل جماعه الاخوان المسلمين
عاجل وزيره الهجره نبيله مكرم تتعرض لتهديد من قبل جماعه الاخوان المسلمين
بعد نشر وزيره الهجره السفيره نبيله مكرم صوره لها وهى تقبل يد قداسه الباباتواضروس الثانى بابا الاسكندريه وبطريرك الكرازه المرقسيه تلقت تهديدات من جماعه الاخوان المسلمين بالخارج وقاموا بشن الحرب عليها
وهى تدفع عن قداسة البابا ضد الهجوم الذى يتعرض له قداسته
وقالت وزيرة الهجرة عبر حسابها الشخصي على فيسبوك: “صدقوني مش فاضيين في الوقت اللي الدولة بتواجه تحديات على كل جبهة والشعب مؤمن بالله الواحد وبقيادته المخلصة ألاقي بعض النفوس اللي اتضايقت من صورتي مع قداسة البابا تواضروس الثاني أحب أفكرهم بصورتي في عام 2017 مع بابا الفاتيكان اللي برضه البعض وقتها انزعج من طريقة سلامى له ( Reverence)”.
وأضافت وزيرة الهجرة: عايزة أوضح بعض النقاط:
1- أنا وزيرة مصرية في حكومة مصرية.
2-أتشرف بطريقة سلامي لرموز الكنيسة.
3- اتشرف بإني وزيرة بتشتغل فى عهد تحترم فيه القيادة المصرية كل المواطنين المصريين رغم التركة الثقيلة اللي ورثتها.
4- اتشرف بإني لما بحضر مقابلة مع الرئيس بيعرفنى بإني الوزيرة المصرية مش بيعرفني بطريقة طائفية.
5- اتشرف بإني لما بكلم فضيلة الإمام الأكبر على التليفون بقوله يا أبويا وهو بيقولي يا بنتي العزيزة
وأرفقت الوزيرة رابط لمنشور على إحدى الصفحات التابعة للجماعة الإرهابية، واختتمت منشورها قائلة: “خلاصته، لو حضراتكم فاضيين إحنا مش فاضيين ورانا شغل كتير، ورانا نحمي بلدنا ورموزنا مش بس من تحديات خارجية، إنما كمان نحميهم من الفكر والثقافة المتواضعة جدا لدى البعض. تحياتي”. وكانت السفيرة نبيلة مكرم، نشرت صورة لها مع البابا تواضروس الثاني بابا الإسكندرية وبطريرك الكرازة المرقسية عبر حسابها الشخصي على إنستجرام، معلنة عن دعمها الكامل له ضد حملات التشويه التي يتعرض لها.