-->
U3F1ZWV6ZTIzNjM0MDk3MzI0X0FjdGl2YXRpb24yNjc3NDE3MTYwOTc=
recent
أخبار ساخنة

رساله العدرا لكل ولادها ف كل مكان وزمان .. ربنا صالح .. اسمعوا كلامه .. ومهما قال لكم افعلوه

 رساله العدرا لكل ولادها ف كل مكان وزمان .. ربنا صالح .. اسمعوا كلامه .. ومهما قال لكم افعلوه

رساله العدرا لكل ولادها ف كل مكان وزمان .. ربنا صالح .. اسمعوا كلامه .. ومهما قال لكم افعلوه

من اجمل صفات العدرا انها كانت بتسمع كلام ربنا مهما كان اللي يقولها عليه تعمله واللي يطلبه منها تنفذه وتقوله م العين دي قبل العين دي يارب وهي صغيره لما عاشت ف الهيكل تخدم ومالهاش حد مقالتش اشمعنا انا يارب اللي عايشه لوحدي لما اختاروها وهي لسه ف بداية حياتها علشان تتخطب ل الراجل العجوز يوسف النجار مرفضتش ولا اتضايقت لما الملاك بشرها انها هتكون حامل بمخلص العالم من غير زرع بشر قالت بمنتهي الرقه : ليكن لي كقولك لما سمعان الشيخ قالها : وانتي ايضآ سيجوز ف نفسك سيف مزعلتش من ربنا ولا اشتكت لما هيرودس كان مزمع ان يقتل الصبي سافرت لمصر مع يوسف النجار وابنها وهي قابله وراضيه لما شافت السيد المسيح بيتصلب قصاد عينيها و ضناها الوحيد بيتآلم مقالتش حاجه خبت وجعها ف قلبها وسكتت لما قالها يسوع : يا امرأه هوذا ابنك وشاور علي يوحنا الحبيب قلبها قال : اللي تشوفه يارب

كل موقف ف حياة العدرا كان دليل علي ثقتها ف ربنا وتسليمها الكامل ليه حتي ف معجزة تحويل الماء الي خمر قالت للي كانوا ف العرس مهما قال لكم فافعلوه الرساله دي مش بس ليهم دي لينا احنا كمان العدرا بتقول لكل ولادها ف كل مكان وزمان ربنا صالح اسمعوا كلامه ومهما قال لكم افعلوه

ويا بخته اللي يسلم اموره لله زي العدرا ويقول من قلبه ل ربنا ف كل وقت : ليكن لي كقولك! ⁦⁩


الاسمبريد إلكترونيرسالة