-->
U3F1ZWV6ZTIzNjM0MDk3MzI0X0FjdGl2YXRpb24yNjc3NDE3MTYwOTc=
recent
أخبار ساخنة

في عيد انتقالك للسما… يا مريم خلّي قلبك ع لبنان!

 في عيد انتقالك للسما… يا مريم خلّي قلبك ع لبنان!

في عيد انتقالك للسما… يا مريم خلّي قلبك ع لبنان!

يا مريم،

شو في قلوب اليوم مكسّرتها الجروحات

اللي عم تنزف دم ودموع…

في عيد انتقالك للسما،

منحط هالقلوب المجروحة قدام ابنك!

منصلّي ع نيّة راحة نفوس الشهداء،

وشفاء الجرحى والمتألمين…

إنتِ، يا مريم، علامة رجاء لقلوبنا وتعزية إلنا!

إنتِ الممتلئة بالنعم السماويّة،

إنتِ اللي سكنِت السما بأحشائك،

إنتِ أمّ يسوع المسيح المخلّص،

اللي فدانا بدمه ع الصليب!

قلبنا بيرتاح لمّا يناجيكِ،

لأنو بحاجة لأمّ تسمع صرخات الوجع،

أمّ تغمر القلوب النازفة

والنفوس اللي مدمّيتها مسامير الغياب،

أمّ تمسك الأيادي المجروحة

وتنتشلها من هول الأحزان اللي ما بتخلص…

يا مريم، منعرف إنو مش ممكن تتركي أولادك

بلا ما تغمريهم بمحبّتك الأموميّة وحنانك!

منحط بين إيديكِ أرزتنا اللي انسقت بدم الشهداء!

منجدّد ثقتنا بالثالوث الأقدس،

ومنطلب من ربّنا يعطينا العزاء والصبر والحكمة

لنفهم إرادته بحياتنا، ونقرأ مشيئته على ضوء الإيمان!

في عيد انتقالك للسما،

يا مريم، خلّي قلبك ع لبنان!

آمين.


الاسمبريد إلكترونيرسالة