مكنش ليا غيرك.. نورين تفارق الحياة حزنا على والدها بعد 40 يوما على وفاته
مكنش ليا غيرك.. نورين تفارق الحياة حزنا على والدها بعد 40 يوما على وفاته
ماتت نورين حزنا علي وفاة والدها في ذكري الأربعين وقد توفي والدها في يوم 19 أغسطس الماضى بعد دخوله العناية المركزة بعد تدهور حالته الصحية وبعد وفاتة عبرت عن حزنها الشديد بصورة لهما عبر حسابها بموقع فيس بوك معلقة :"مكنش ليا غيرك".
وتدهورت حالة نورين الصحية من شدة الحزن علي فراق والدها وكتبت والدتها عبر حسابها : طول عمرك يا نورين روحك متعلقه بباكى وكنت اهزر معاكى واقولك اصلك فرج الصغير بس مش لدرجة انك تموتى وراه يا نورين علشان خاطرى يا نورين قلبى ميستحملش موتك انت كمان اتمسكى بالدنيا شويه علشان خاطرى اوعى يا حبيبتى قلبى لسه واجعنى على فراق بباكى خليكى جنبى ارجو من الجميع الدعاء لها يمكن حد فيكم اقرب لربنا منى وربنا ينجيها".
ولكنها فارقت الحياة صباح اليوم مما تسببت فى حالة من الحزن علي مواقع التواصل الإجتماعي لوادع الفتاة الصغيرة وكتبت والدتها نداء لوالدها الراحل :يا فرج نورين ماتت يا فرج.
ونشر عدد من أصدقائها صورة لآخر بوست كتبته عبر حسابها وهي وصيتها بعد وفاتها وتؤكد بها علي أداء صلاة الجنازة عليها بالشكل الصحيح وكتبت صديقتها : وصيتها اللي يقدر ييجي ويصلي الجنازه ييجي واللي مش هيقدر يخليلها صلاه الغائب ويدعيلهااا من مكانه ولكم الاجر والثواب عند الله صلاه الجنازه ف مسجد الدلال بعد صلاه الظهر والدفنه ف مقابر سيدي خلف.