-->
U3F1ZWV6ZTIzNjM0MDk3MzI0X0FjdGl2YXRpb24yNjc3NDE3MTYwOTc=
recent
أخبار ساخنة

حزن جسيم يخيم على الشعب القبطى بعد رحيل شابين من أبناء الكنيسة فى عيشة عيد الصليب

 حزن جسيم يخيم على الشعب القبطى بعد رحيل شابين من أبناء الكنيسة فى عيشة عيد الصليب

بعد وفاة الشاب مينا القمص انطونيوس اليوم إثر حادث اليم على طريق سفاجا كتب أحد الأشخاص المقربين طالب التعزية والعزاء لاهل المتوفى ليس فقط مينا القمص انطونيوس وكذلك شاب أيضا يدعى مينا ملاك توفى فى ظروف عصيبة لعائلتة 


اطلبوا تعزية لأسرهم

مينا ومينا سافروا السما النهاردة ( فى عشية عيد الصليب ) 
نفسي حزينة جدا مش عارف اكتب وأقول إيه ؟؟!! 

الصورة الأولى للشماس مينا إبن قدس ابونا المحبوب القمص انطونيوس عريان وكيل عام مطرانية أسوان  
مينا مامته سافرت السما من شهرين تقريباً  
وفرحه كان يوم الأحد اللى فات يعنى عريس من ٦ أيام فقط ( مُتخيلين ) مينا سافر السما النهاردة إثر حادث فى طريق سفاجا  
تجربة صعبة وصليب تقيل قوووى  صعبة للغاية لكل عائلته وخاصة لقدس ابونا انطونيوس فى سنه الكبير وظروفه الصحية الصعبة تجربة صعبة لعروسته اللى مالحقتش تفرح  

 
حزن جسيم يخيم على الشعب القبطى بعد رحيل شابين من أبناء الكنيسة فى عيشة عيد الصليب


_ فى الصورة التانية الشماس مينا ملاك انا اعرفه شخصيا خدمته لمدة سنتين فى فصل إعداد خدام مادة لاهوت عقيدى بكنيسة الشهيد العظيم مارجرجس والقديس الانبا إبرآم بميت نما - شبرا الخيمة  
شاب مثالي هادئ جدااا دايما بشوش مؤدب للغاية كان بيسأل كتير أثناء المحاضرة فى تفاصيل اكتر علشان يفهم  
مينا والده متوفى وله اخت أصغر منه ومالوش اخوات تانى السنة اللى فاتت أخته سافرت السما  
والنهاردة هو سافر السما  
تجربة ما أصعبها للكل وخاصة والدته اللى فقدت زوجها واولادها  

كتير أسأل ربنا فى المواقف دى أسئلة كتير جداا ملخصها ليه يارب ؟؟!! 
ويجى صوت جوايا يجاوبنى

" فَأَجَابَ الرَّبُّ أَيُّوبَ مِنَ الْعَاصِفَةِ فَقَالَ: "الآنَ شُدَّ حَقْوَيْكَ كَرَجُل. أَسْأَلُكَ فَتُعْلِمُنِي. لَعَلَّكَ تُنَاقِضُ حُكْمِي، تَسْتَذْنِبُنِي لِكَيْ تَتَبَرَّرَ أَنْتَ؟ ٩هَلْ لَكَ ذِرَاعٌ كَمَا ِللهِ " ( أيوب ٤٠ : ٦ ) 

وأقول اكيد ليك حكمة يارب فى احكامك  

" يَا لَعُمْقِ غِنَى اللهِ وَحِكْمَتِهِ وَعِلْمِهِ! مَا أَبْعَدَ أَحْكَامَهُ عَنِ الْفَحْصِ وَطُرُقَهُ عَنِ الاسْتِقْصَاءِ " ( رومية ١١ : ٣٣ ) 

وأكيد هما فى مكان افضل دلوقتي  
" لأَنَّهُ كَمَا تَكْثُرُ آلاَمُ الْمَسِيحِ فِينَا، كَذلِكَ بِالْمَسِيحِ تَكْثُرُ تَعْزِيَتُنَا أَيْضًا ".
( كورنثوس الثانية ١ : ٥ )

ربنا ينيح روح مينا القمص انطونيوس وروح مينا ملاك ويعزي ويصبر ويسند بيمينه ويقوي أسرهم وخاصة ابونا انطونيوس ووالدة مينا ملاك فى التجارب المريرة دى  
يارب إرحم
الاسمبريد إلكترونيرسالة