-->
U3F1ZWV6ZTIzNjM0MDk3MzI0X0FjdGl2YXRpb24yNjc3NDE3MTYwOTc=
recent
أخبار ساخنة

بيهددنى يوميا بالدبح.. بالصور فتاة قبطية تستغيث بعد تعرضها للضرب من احد المتشددين

 بيهددنى يوميا بالدبح.. بالصور فتاة قبطية تستغيث بعد تعرضها للضرب من احد المتشددين


استغاثت الفتاة القبطية مونيكا وهبة عبر حسابها الشخصي على مواقع التواصل الإجتماعي فيسبوك وقالت كنت مستنيه لما اتحسن واكون اهدا وقادره اتكلم عشان اطلع واقول كل الي حصلي وكنت اتمني اني ابقي بكتب الكلام دا وانا جايبه حقي أو علي الاقل حاسه اني ممكن اجيبه، الي حصل ان في شخص بيتعرضلي يوميا في طريق شغلي تحديدا قدام مترو البحوث في المهندسين بيهددني يوميا بلدبح في الشارع لاني متبرجه وكلام عن انه عايز المظاهرات تقوم وكل المتبرجات تتعدم في الشارع، الكلام دا بسمعه يوميا في عز النهار في مكان زحمه زي دا ، لحد يوم الاحد يوم 27/9 لما كنت نازله انا واختي وبنت زميلتنا وفي طرقنا واول ما شافني بداء يردد نفس الكلمات ولما وقفنا وزعقنا قام وتف علينا واعتدي عليا بلضرب في الشارع مع ترديد نفس الكلام وضرب اختي وزميلتي لما حاولوا يبعدو عني  في الوقت دا بدائت الناس تدخل علي صوت صويتي الهيستيري وهو بيضربني وان حتي الناس لما اتدخلت وحاولت انها تمسكه كان بيحاول انه يفلت من ايديهم عشان يقدر يوصلنا ويضربنا تاني، وبداء ناس اكتر تدخل وناس علي معرفه بلشخص دا بدائت تسحبه من وسطنا واحده واحده لحد ما هرب من ممر ضيق ما بين الصيدليه وبين الجامع الي جنبه والممر دا عليه باب حديد وان الشخص دا اول ما هرب واختفي بدقايق لقيت شخص ملتحي خارج من باب الجامع وبيقولي انه اخوه وبيحاول يهدي الموقف وانه بيكلمني عن اني اتراضه ونلم الموقف قصاد اي حاجه اطلبها بس مبلغش الشرطه ، بس اول ما اتاكدوا ان الأمن جاي الشخص دا هرب ولما الشرطه جت صممت انها تمشي كل الناس الي كانت موجوده حتي الي قالوا انهم عايزين يشهدوا بالي حصل ولما وصلت قسم الدقي 

فتاة قبطية تستغيث بعد تعرضها للضرب من احد المتشددين


وحكيت كل الي حصلي اتحولت علي المستشفي الي طلع ان عندي أصابه في الرأس وكدمات في أماكن متفرقه من الجسم وان عندي نزيف نتيجه الضرب ولما رجعت بالتقرير الطبي الي كان باين انهم مضايقين اني طلعت مصابه فعلا، رائيس المباحث قالي ان الشخص دا اتقبض عليه واننا هنعمل محضر تحرش لفظي!! بعد كل الي بحكيه دا التهمه قدام القانون تحرش لفظي ولما رفضت ان المحضر يتعمل كدا اتكلم معايا بحده وانه مقدر حالتي بس هو عارف شغله واني لازم ادخل اعمل المحضر و فضلت اكتر من ساعتين بيتاخد اقوالي في الاخر بيتقال انتي ممعكيش شهود اصلا وان مينفعش اطلب شهاده حد من أصحاب المحلات الي كانوا موجودين لاني لازم ابقي متأكده هيجوا يشهدوا ولا لا وحتي اسم زميلتي الي كانت موجوده في الواقعه رفض يكتبه وفي الاخر كانوا عايزني امضي علي المحضر من غير ما اقراه ولما صممت اكتشفت ان مفيش ولا كلمه من الي انا قولتها اتكتبت ولما رفضت امضي رائيس المباحث جه وقالي ان مش كل حاجه بتتكتب في المحضر ولما تروحي النيابه ابقي قولي الي انتي عيزاه حتي لما طلبت اني اشوف الشخص الي بيدعوا انه اتمسك رفضوا وقالولي انتي لما تمشي من القسم احنا هنطلعه وناخد أقواله ورفضوا حتي يعرفوني اسمه ايه، انا لحد انهارده مجاليش اي استدعاء رسميه من النيابه نهائي مفيش اي تحرك بيتاخد بأي شكل مكنش عندي اي دليل ان القسم قبض فعلا علي الشخص دا او ان الي اتقبض عليه دا هو الي اعتدي عليا ولا لا، المحضر لسه واصل النيابه امبارح بس!! في نفس الوقت الي عرفت ان الشخص الي اتقبض عليه بيروح النيابه وبيتحقق معاه

انا حاليا بيضغط عليا نفسيا من كل الي حوليا  اني اتنازل واتراضي بأي طلبات بدل ما اتبهدل اكتر من كدا، انا مخترتش ان كل دا يحصلي انا مكنتش عايزه غير حقي، اكيد من أقل حقوقي اني متهددش قدام كل الناس بلقتل اكيد من حقي اني لما أقف وادافع عن نفسي ماضربش واتهان واتصاب لمجرد اني قولت لا وانا مش متبرجه ومش قابله، ليه ابقي خايفه اروح شغلي والموضوع اشبه بلمخاطره كل يوم ليه اعد الخطوه والنفس لحد ما اقدر اعدي من طريق
احنا مش بس مش واخدين حقوقنا احنا مش متشافين اصلا
انا في اللحظه دي مبقاش عندي اي امل في الحياه في اللحظه دي انا حاسه اني مظلومه ومصابه ومهدده ومباحه وان اكبر جريمه عملتها في حياتي هو اني مش من الاغلبيه ولا في الجنس ولا في الدين

فتاة قبطية تستغيث بعد تعرضها للضرب من احد المتشددين

فتاة قبطية تستغيث بعد تعرضها للضرب من احد المتشددين



الاسمبريد إلكترونيرسالة