نشأت نصر : يوسف غلط في الدين الإسلامي آه غلط لكن قدامه ألف واحد غلط قبل كده في الدين المسيحي ... يا تحاسب الكل ياريس يا متحاسبش حد
إلى رئيس مصر الغالي علينا كلنا
السيد / عبد الفتاح السيسي
بعد التحيه يا ريس و كل الإحترام لفخامتكم
#أولآ
مصر مش بلد إسلاميه و لا عربيه يا ريس مصر بلد فرعونيه هما دول جدودنا فمحدش يقول بلد الأزهر و بلد الكنيسه مصر دي بلدنا كلنا بدون تمييز فياريت يا ريس محدش يفكر يميلها ناحيته مصر بلد فرعونيه و بلدنا و لكل المصريين
#ثانيآ
التمييز و التحيز مصدره يا ريس جوه التعاليم القديمه إللي موجوده للتفاسير القرآنيه و الأحاديث المغلوطه و إللي مسلسل زى #الإختيار كان بيحاربها لأنها نفس التفاسير إللي بيستخدمها الإرهابيين عشان يقتلوا أي مخالف لهم سواء مسيحي أو مسلم التعاليم دي قنبله ياريس لأنها متوارثه داخل بيوتنا للأسف و ماشاء الله إحنا كلنا غلط بس إلا الكلام في الدين و ده لأننا شعب عايش بفطرته حافظ مش فاهم
#ثالثآ
 |
| نشأت نصر : يوسف غلط في الدين الإسلامي آه غلط لكن قدامه ألف واحد غلط قبل كده في الدين المسيحي ... يا تحاسب الكل ياريس يا متحاسبش حد |
يوسف غلط في الدين الإسلامي آه غلط لكن قدامه ألف واحد غلط قبل كده في الدين المسيحي و الميديا مليانه ده غير حوادث كتير حصلت لأسر مسيحيه من متعصبين ميفرقوش كتير عن إللي بنقول عليهم إرهابيين هو فيه أكتر من الأم إللي عروها في وسط الشارع في المنيا و لغاية دلوقتي حقها ضايع
#رابعآ
إحنا كلنا بنحبك ياريس و صدقني لو كل مسئول في البلد دي بقى السيسي مصر هتتزعم العالم في مده بسيطه أوى و دي مش مجامله أنا أول إللي كتبوا عنك إنك ملاك ربنا بعته لمصر لكن جه الوقت إن موضوع الخلاف الديني يكون ليه قوانين تطبق على أي متجاوز مهما كان هو مين و بكل صرامه و حزم
يا تحاسب الكل ياريس يا متحاسبش حد
مقدمه لسيادتكم
#نشـأت_نصـر