رسالة مرعبة يوجهها مدير مستشفى عزل ببني سويف للمصريين ويقدم نصائح
رسالة مرعبة يوجهها مدير مستشفى عزل ببني سويف للمصريين ويقدم نصائح
وجه الدكتور عمرو نادي مدير مستشفى العزل بناصر بمحافظة بني سويف رسالة مرعبة للشعب المصرى عبر حسابة الشخصى على مواقع التواصل الإجتماعي فيسبوك وقال ان الوضع في منتهى السوء
والموجة الثانية أسوء بكتير من الأولى والفيروس ينتشر كالنار في الهشيم.
واضاف ان مافيش بيت مافيهوش حالة أو اكتر مصابة وما فيش أسرة اعرفها تقريبا إلا و فيها حاله وفاة والنظام الصحي في مصر لا يحتمل وغير ذلك تانكات الأكسجين اللي كانت بتتملي أسبوعيا بقت بتتملي يوميا أو يوم ويوم.
وتابع: حيث ان المستلزمات الطبية بتتبخر من كتر الحالات السرير مش بنلحق نغير الملاية من عليه لأن قبل ما يفضى بيبقى محجوز والطاقم الطبي مهما كانت قوتة فعلى المدى الطويل قد ينهار من شدة الضغط والتوتر وصعوبة الإجراءات الاحترازية.
وقدم عدة نصائح لعدم التعرض للخطر وهى كالاتى:
اذا الدنيا ماتلمتش والوضع هايسوء اكتر وها يخرج عن السيطرة تماما كل واحد يلزم بيته ومافيش خروج غير للضرورة وكبار السن أمانة لا زيارات و لا أي تعامل معاهم قدر المستطاع والالتزام بالتباعد و الكمامة و الكحول.
ثانياً: مافيش تجمعات و لا أفراح و لا عزاء
و للأمانة: اللى يظهر عليه أي أعراض تنفسيه يعتبر نفسه كورونا و يعزل نفسه ومافيش حاجه اسمها دور برد عادى.بلاش استظراف وبلاش تضحك على نفسك وعلى غيرك و تكون سبب مباشر فى وفاة حد عزيز عليك لا قدر الله.