تحذير برجاء الانتباه وتوخي الحذر الشديد
تحذير برجاء الانتباه وتوخي الحذر الشديد
الكل لازم ينتبه ( قبل الفطار بساعة حسيت فى حد على الباب بصيت من العين لقيت طفل صغير عنده حوالى تلات سنين وبدأ يعيط بطريقة فظيعة والعياط بيزيد اكتر كنت بجري علشان افتح، لقيت بنتى الكبيرة بتقولى متفتحيش يا ماما الولد دة كان واقف فى الشارع ومعاه واحد راجل واكيد هو واقف على السلم بس مش ظاهر، انا قلقت مفتحتش
والولد فضل يعيط جامد اوى ويبص على الباب وانا براقب الموقف من العين السحرية وبعد عشر دقايق متواصلين، الراجل ناداة على الطفل ولقيت الطفل رد عليه وراح الولد نزل لوحدة والراجل كان منتظرة على الناصية من بعيد خلو بالكم من نفسكم دة نظام جديد للسرقة والقتل لانكو شئ طبيعى لما هتلاقو طفل على باب شقتك هتتعطفى وتفتحى الباب وبسرعة الحمد لله ان مفتحتش وبنتى نبهتنى ويا عالم لو كنت فتحت كان حصل اي ربنا يسترها علينا وعلى ولادنا خلو بالكو جدا السرقة بتتنفذ بطرق غير متوقعة
نبهو على كل اللى تعرفوهم