كشري التحرير يمنع سيدة مسيحيه من الاكل قبل اذان المغرب
للأسف ادارة المطعم تواصلوا معايا تليفونيا واعتذوا وطلبوا مننا نروح في أي وقت يعزمونا على أكلة كشري، قولت لهم انا مش عايزه غير اعتذار رسمي على الصفحة لأن كل الناس متضايقه ،، اتفاجئت انهم منزلين بوست وقح بيقولوا اني كدابه وان الواقعه محصلتش واننا ماقعدناش في الصالة اصلا
بيكدبوا ويلاوعوا وانا معايا سكرين شوت من كل كلامهم اللي بيمسحوه واعتراف منهم اننا قعدنا فعلاً وبدأنا ناكل
نزلت النهارده جبت بنتي من الحضانة، كان عندها تمرين روحنا جري على هناك وباباها خلص شغله وعدى علينا، بعدما خلصنا بنتي قالت أنا جعانه، قولنا فرصه واحنا بره نعدي ناكل أي حاجه، وبما اننا صايمين ولقينا كشرى التحرير - Koshary El Tahrir فاتح وشغالين قولنا ناكل ونروح،، قعدنا وطلبنا وجه الاكل، ويادوب البنت بتاكل أول معلقه لقينا واحد من العاملين جاي بيقول ممنوع الأكل قبل المغرب
قولت له يعني ايه ؟!!! مش ده مطعم ومفتوح والناس قاعده ،، قالي اه الناس تقعد بس محدش ياكل قبل الآذان !!!!
 |
| كشري التحرير يمنع سيدة مسيحيه من الاكل قبل اذان المغرب |
 |
| كشري التحرير يمنع سيدة مسيحيه من الاكل قبل اذان المغرب |
قولت له انت صايم ومستني الآذان براحتك أنا مش صايمه للمغرب وقاعده في "مطعم" والأكل قدامي ازاي ماكلش
قالي هو ده النظام !!!! ولقينا واحد تاني جاي غالباً مديره وبيكرر نفس الكلام
ف احنا بقى مطلوب مننا نطلع معلقة الأكل من بق البنت ونقنعها انها ماتاكلش في المطعم علشان فيه ناس قرروا يفرضوا ده على غيرهم
هل الصيام بالعافيه حتى على المسيحيين ؟!
ولا هو علشان كتير الواحد بيراعي شعور اللي حواليه فبقى حق مكتسب ونتعاقب لو عملنا العادي أو بنتي جاعت واحنا في الشارع ؟!!
تعديل: المطعم بيرد على ناس من اللي اهتموا وبعتوا لهم
اننا اخدنا تيك اواي، وان التيك اواي ممنوع يدخل الصاله وده سبب المنع مش الآذان
الفرع اللي كنا فيه (فرع ممشى الطاهره) الصالة منفصلة عن مكان الطلب
انا وبنتي دخلنا قعدنا وجوزي دخل يطلب ولما لقى انهم بيحطوا الأكل في علب على انه تيك أواي قال لهم احنا قاعدين في الصاله هل فيه أي تكلفه زياده علشان ناكل هناك ، وكان الرد لأ يافندم مفيش اي حاجه زياده اتفضلوا
ولما جوزي جاب لنا الاكل وبدأنا ناكل حصل اللي انا حكيته فوق وقالوا ممنوع قبل الآذان وده بالمناسبة اللي بيأكدوه هم بنفسهم على صفحتهم
لو سبب المنع هو التيك اواي زي ما بيدعوا، كانوا حتى عرضوا انهم يبدلوا الأكل في أطباق او يطلبوا فلوس زياده للخدمة وده ماحصلش، يعني لو كنا قعدنا واستنينا بعد الآذان كنا اكلنا عادي في العلب اللي بيدعوا انها سبب المنع
