تحذير هام وعاجل للبنات خدو بالكم بجد الايام الجايه صعبه جدا
تحذير هام وعاجل للبنات خدو بالكم بجد الايام الجايه صعبه جدا
يا جماعه انا ركبت عربيه من موقف السلام فوق علي الدائري العربيه كانت بتحمل نزله قليوب وانا بنزل ام بيومي العربيه فيها ست وراجل وكانو قاعدين ف الكنبه الا في نص العربيه وراجل كبير كان في الكنبه الاخيره وانا ركبت ورا السواق والعربيه مشيت بينا الست جات قعدت جنبي وسابت الراجل وانا اديت السواق عشره جنيه قولتله محطه ام بيومي وبعدين بدأت تبص في المرايه بتاعت السواق وهو يبصلها انا متعوده ادفع الاجره والعب في تليفوني قولت يمكن ست شمال ده الا جه في بالي شويه ولقيتها شكتني ب حاجه في رجلي من فوق بقولها ايه ده قالتلي معلش دا الدبوس شكك قولتله حصل خير مفيش دقيقة ولقيت الدنيا بتلف بيا وهي بتبص للسواق وبتبص للراجل إلا ورايا خفت واترعبت ومش عارفه اعمل ايه المهم قولت للسواق ممكن يسطي نوقف عند محطه مؤسسه الزكاه اجيب اختي الصغيرة معانا هي وقفه علي السلم قالي أختك صغيره من عنيا وجت المحطه ونزلت قولتله ثانية واحده أجيبها فتحت باب العربيه ونزلت وقفت وسط الناس وانا دايخه قولتله خلاص انا اختي جايه تاخدني هي وجوزها بالعربيه قالي هستناكي قولتله شكرا طب تعالي اركبي خدي بقيت فلوسك قولتله مش عايزاها ووقفت جنب ست كبيره قولتلها يا حجه انا معرفش حد ومليش قرايب لو وقعت متخليش حد ياخدني انا عايزه أركب ام بيومي وأنزل أركب عربيه البنزينه وقولتلها علي اسمي كل ده والدنيا بتلف بيا ومقدرتش اصوت هما شافوني بكلم الست والناس اتلمت جريو بالعربيه وخدتني ودتني لأمي وروحنا مستشفى ناصر حولوني على الدمرداش واتبهدلت وبعدين مفيش تحليل سموم اختي وامي خدوني مستشفى الأنصاري الا في شارع الأهرام وبعدين مستشفى الأمل والحمد لله اسعفوني وكانت حقنه مخدر إلا الست عملتها في رجلي خلو بالكم والنبي انا عيشت يوم عزاب وحسبي الله ونعمه الوكيل وعلي فكرة انا مش لابسه دهب خالص ولابسه عبايه واسعه وطرحه عشان تقولو دي كانت هتتسرق لا دانا علي باب الله الناس بقت بتسرق لحمنا مش دهبنا وفلوسنا ربنا يرحمنا برحمته خلو بالكم من نفسكم ومن عيالكم