استغاثه من ام محمد علشان جيرانها المسيحيين
استغاثه من ام محمد علشان جيرانها المسيحيين
السلام عليكم ورحمة الله وبركاته.....بعد اذن الادمن شيررر ياجماعه بالله عليكم بالله عليكم عشان كل الدنيا تعرف حقيقة الناس دول وكمان في ناس اتظلمت وحقهم لازم يرجع ولازم القضيه توصل لرئيس الجمهوريه
انا ام محمد مقيمه في منطقة امبابه عندي جاره مسيحيه محترمه على خلق ف حالها جدآ هى وجوزها واولادها طيبين للغايه متعرفش حد ولا بتقبل تختلط بحد غيري حتى بنتي صديقه لها وبستأمنها على روحي والله العظيم،،، حصلها مشكله مع جيرانها اللي ف الشقه اللي قصادها بسبب سوء سلوك ابنهم ولان والد الشخص ده اخواني ومكنش بيتحمل يسمع صوت ادعيه دينيه ليهم وعملوا معاهم اكتر من مشكله ووصلوا ان ابنهم يتحرش ببناتها على السلم وقدمت اكثر من بلاغ وف كل مره كان بيقدرو يستضعفوهم ويقنعوا جوزها بالتنازل
ولكن اخر مره اتعرضو ليهم وصلوا ان ابن الحاجه ناديه والدة مدحت حسن احمد حسن يكسر على السيده ام ابانوب الباب ولكن ستر ربنا ليها لانها محترمه ومظلومه يشاء ربنا ان الباب يتكسر مكان رجل الشخص مدحت حسن احمد حسن وباقي الباب يفضل مقفول عليها وعلى بناتها ولانه مقدرش ينول اللي عايزه نزل جري ضرب جوزها ف الشارع قدام الدنيا كلها ومش بس كده يكسرله محله ويكسرله الڤتارين بتاعته وطبعآ الراجل المسكين جوز السيده ام ابانوب راجل صاحب مرض وسنه 65 سنه واتكاتروا عليه ف الشارع
المدعو مدحت حسن احمد حسن
والمدعو حسن احمد حسن
والحاجه ناديه والدت المدعو الاول وزوجة المدعو الثاني
وفضلو يضربو فيه بدون رحمه ولما جات الشرطه طبعآ كله هرب واللي فضل منهم اتاخد ع القسم وخرج تاني يوم وكل م تيجي الشرطه كان الشخص مدحت يستخبى ف الحمام وكانت والدته بتدعي انها بتستخدم الحمام لاغراض شخصيه عشان الامين ميدخلش
وبعد ذلك زي كل مره وبعد بهلتها اللي لاتوصف بكلمه وبعد اكثر من بلاغ يتطلب منها انها تتنازل عن البلاغ لان المدعو مدحت حسن احمد حسن عليه احكام غيابيه جثيمه ولو وصل للقسم مش هيرجع تاني وهددو السيده ام ابانوب انها تتنازل عن البلاغ وإلا هيأزو اولادها وجوزها ومكنش قدامها حل غير انها تبعد وتسيب بيتها اللي بقالها سنين مقيمه فيه وكمان اكل عيش جوزها في، نفس المكان ولكن كان لازم تبعد عشان تقدر تاخد حقها ومتكونش تحت انظارهم
وفعلا نقلت في مكان اخر ولكن الحكم كان ظالم اوي اوي اوي يدوب كان شهر للمدعو مدحت حسن احمد حسن ووالده حسن احمد حسن
وكمان منفذوش الحكم إلى هذه اللحظه
وتعالو معايا لصلب الموضوع واسفه على الاطاله لكن لازم تسمعوني لان ربنا ميرضاش بكل الظلم ده وهو منتقم جبار من كل انسان يجور على حق الغلابه
... بعد شهور من صدور حكم الشهر السابق للجناه تكتشف السيده ام ابانوب وزوجها انهم عليهم احكام في قسم شرطة امبابه ويتضح ان الاحكام دي بوصولات امانه لاشخاص هى متعرفش حاجه عنهم وبمبالغ كبيره جدآ وطبعآ هما عارفين ومتأكدين ان البلاغ كيدي وانهم ممضوش على اي وصل امانه
وبعد شهور تعب ومعاناه وسط المحاميين والطب الشرعي لكي يظهروا برأتهم يظهر ف الصوره المحامي الحسيني سيد محمود اللي بيدعي انه انضحك عليه من شخص اخر يدعى سيد عبادي عبادي محمد وهو محامي لايستحق اللقب من اصله مقيم في منشية ناصر ومكتبه قريب من منطقة وادي الكباري وهو بيكون زوج مدام رشا حسن احمد حسن وهى بنت المتهم الاول ف القضيه وطبعآ الاستاذ سيد عبادي جوز بنتهم وهو يكون من اصل منطقة الكوم الاحمر تابع لمركز البداري....للأستدلال
وبيضيف الاستاذ الحسيني ان المدعو سيد عبادي خدعه وطلب منه انه يقدم الوصولات دون ان يعلمه انها مزوره وانه مكنش يعرف اي شئ وانه معرفش ان الوصولات مزوره غير بعد مرور سنه على القضيه وكمان بيقول ان المدعو سيد عبادي اعترفله امام مجموعه من كبار محاميين منطقه المنشيه ان كان عايز ينتقم من السيده المظلومه ام ابانوب وزوجها وانه يلفق ليهم تهمه زور لانه بكده هيكون ارضا حماه اللي متغاظ اوي ان الست المحترمه دي اخدت حكم حتى لو كان مخفف جدآ ولكن كاويهم اوي
وحاليآ بدون إطاله اكثر من ذلك..الاستاذ الحسيني جاي يعترف بعد فوات الاوان وجاي يستعطف الناس الغلابه ويطلب السماح منهم وبيقول انا مكنش قصدي وارجوكم سامحوني وطبعآ لانه واخد فكره كبيره عن الاسره الطيبه دول انهم ساذجين وهيصدقوا كل الافلام اللي هو ادعاها وعايز يضيع حقهم ويقولهم انا هتنازل عن الوصولات في مقابل انكم مترفعوش اي قضايا ضدي وانه مجرد محامي ساذج اضحك عليه....
ناس كتير عارفين المشكله دي وعلى رأسم الاستاذ الشحات الحسيني وهو عارف ان اسرت السيده المسيحيه مظلومين وهى كمان معاها اعتراف من السيد الحسيني بكل كلمه اقسم بالله العظيم واي حد عايز يسمع التسجيل انا هجبهوله
ودلوقتي انا كتبت شهادت حق من قلبي ولاني قريبه من الاسرتين واشهد بنزاهة السيده ام ابانوب وزوجها واشهد ببلطجة اسرة السيد حسن احمد حسن
هل انتو كشعب المنشيه تقبلوا وجود محاميين في منطقتكم مثل سيد عبادي عبادي محمد
ومثل الحسيني سيد
انا بناشد الناس المحترمه اللي عندهم ضمير واللي عندهم خوف من الله في اولادهم وزوجاتهم
بناشد الرجوله والجدعنه اللي بجد بناشد كلمة حق مبتخرجش غير من الرجاله وبسألكم قبل م تتسأل امام العرش العظيم
من منكم يقبل كم البهدله والتعب اللي استحملته الست دي هى وجوزها واولادها...مين فيكم يقبل كده على اهل بيته يارجاله
الست دي اتبهدلت لان ملهاش ضهر وملهاش اخ معدوم الضمير يزورلها وصولات امانه وملهاش اهل يقفوا جنبها
فياريت تتقوا الله لانه انتقامه عظيم
وياريت المنشور ميتمنعش من النشر زي م عمل ادمن جروب ابناء منشية ناصر وكمان مش بس كده دول قفلولها صفحتها كمان
وحسبيى الله ونعم الوكيل في كل ظالم مفتري
حسبيى الله ونعم الوكيل في كل ظالم مفتري
شييير كتير بستحلفكم بالله العلي العظيم ودعوه حلوه من القلب ترجع حق المظلوم وتكسر نفس الظالم وحسبنالله ونعم الوكيل
