صحيت على خبر مزعج شوية بالنسبالي
الأزهر اتفق مع إدارة مترو الأنفاق على أنه كل يوم بعد صلاة العصر، هايبقى فيه شيخ ف كل مترو يخطب ف الناس أو يقرأ قرآن، يعني الموضوع مش مجرد إذاعة ف المحطة أول ما هاتركب المترو مش هاتبقى سامعها لا ده ف كل مترو، والموضوع مكمل على طول، يعني مش ف رمضان بس.
حاجة كده شبه الأم اللي قررت تعمل سمك على الغدا رغم أن فيه واحد ف البيت مابيحبش السمك، بس مش مهم ما الباقي بيحبه ونفسه فيه، ومع انها كان ممكن تعمل أكل الكل بيحبه وماتزعلش حد، بس هي خلاص قررت تكدر الواحد ده، جالها غلطة باين ولا كان نفسها يبقى بنت، مش عارفة!
إحنا مش عايشيين ف أم البلد دي لوحدنا والله، ولو العكس حصل الدنيا هاتقوم مش هاتقعد.
طب اللي هايتضايق يعمل ايه؟ يلبس هيدفون فون بقى ولا مايستخدمش المترو ف الوقت ده؟!