بناااااااات 😭 خلي بالكم وانتوا راكبين المشاريع :( انهاردة حصل خطف قدامي و الحمدلله اني كنت شاهدة و البنت كانت صحبتي و لحقناها و بقي بيبتكروا طرق خطف جديدة :(
ركبنا من قدام الكلية و هي كانت عاوزة تنزل بنك عودة اللي في المندرة و كانت عاوزة تنزل بحر قلتلها (لا اركبي معايا فيكتوريا احسن )
ركبنا سوا مشروع يدوب كان فيه كرسين هي ركبت قدام جنب ست وانا ركبت وراها
شوية ولقيت الست بتقولها (حبييتي عاوزة اخد رايك في حاجة انا جايبة لجوزي هدية برفانين و قوليلي انهي احلي ) انا قلت طبعا اكيد هترفض عشان الظروف المنيلة اللي اللي الكل عارفها بس بحسن نية وافقت ورشتلها انا هنا ركزت معاهم والبنت قالتها ( ده ريحته غريبة لكن التاني ريحته احلي ) فصلت مركزة مع البنوتة ولقيتها داخت ونامت ساعتها كنت هنادي علي السواق لقيتها بتقولوا علي جنب
الراجل اللي جنب الباب لسه بيفتح زعقت وقولتله (لا اقفل بسرعة دي اصلا صحبتي ومش تبعها واحنا راكبين سوا من شمبليون ) ساعتها السواق لف واخد باله قلها ( انتي مش اصلا راكبة معايا من محطة الرمل ) قالتله ( ايوة انا كلمتها وهي قالتلي احجزلها و هتركب من هناك ) قلتلها ( انتي كذابة دي اصلا كان طريقها المندرة وانا اللي خليتها تركب معايا فيكتوريا ) السواق كان وقف علي جنب نزل و شال البنوتة اعدها جنبه و كان في ست اعدت تفوقها طول السكة و راجل تاني اعد جنب اللي كانت عاوزة تخطفها دي عشان متهربش و طلعنا علي القسم و عملنا محضر انا والسواق و راجل و ست تانين و انا حكيت للظابط كل حاجة و كانت البنت فاقت شوية بس لسه مدروخة و سالها اذا كانت تعرف الست دي قالتله لا وحكيتله نفس كلامي لحد ما داخت و بعدها مشينا وروحنا البنت
انا مش متخيلة اني كان ممكن ابقي مكانها وهي تعد مكاني والله اعلم كان حد ممكن ينقذني ولا لا
فارجوكم يا بناات متساعدوش حد متكلموش متعملوش خير متقروش ورق لحد محدش يقولكم طلعيلي رقم من الموبيل امشوا مش جنب الحيطة امشوا جوه الحيطة و ربنا يسترها معانا
#شيييييييييييير و حذروا البنات اللي بتساعد اي حد مبقاش في امان نهاائي
هذا الخبر منقول