حكي ابونا يعقوب سليم كاهن كنيسه العدرا كفر سليمان طنطا بيحكي ابونا في مرة كان في كاهن راح قسم البوليس عشان يحل مشكلة لشاب من ولاده وبعد ما خلص المشكلة وراجع لبيته قابله في الطريق ٤ شباب غير مسيحين واتفقوا مع بعض انهم يضايقوا ابونا وفعلا اتصرفوا معاه بطريقة غير مقبولة وبدؤ يشدوا العمه من علي رأس ابونا ويرموها لبعض ورد ابونا عليهم كان بيقولهم:اولد هات عمه ربنا يسوع المسيح يا ولد وهما مفيش فايده وفي الاخر ابونا روح من غير العمه وكان مضايق جدا من اللي حصل . واول ما دخل ابونا بيته ( كان عنده في مدخل الشقه مقصوره لمارجرجس) فوقف ابونا قدام الصوره وبدء يكلم مارجرجس وكان بيقوله:ايوا يا خويا راكبلى علي حصان وبارملى شنبك وقال ماسك في ايدك حربه قال وسايب العيال يخطفوا مني العمه مش قادر تمسكهم طب ادي القنديل بتاعك (هووووووووووف )وراح طفي ابونا القنديل وقال طب ايه رايك مش هانور القنديل بتاعك الا
لما تمسك العيال دول وتجيبلي العمه بتاعتي ودخل ابونا ينام وبعد شويه لقي الباب بيخبط راح يفتح لقي ناس من قسم البوليس بيقلوله تعالي دلوقتي راح ابونا قالهم تاني منا لسه كنت عندكم قالوله لازم تيجي حالا وفعلا نزل ابونا معاهم وراح القسم ولما وصل لافي حاجة مكنش متوقعها وهي انه لقي 4 شبان مقبوض عليهم والعمه بتاعته علي مكتب الضابط والضابط قاله احناقبضنا عليهم فابونا سال ازاي قبضتوا عليهم رد الظابط وقاله فيه ضابط مسكهم وجابهم هنا راح ابونا علي الواد وراح ضربه وقايله مش قلت لك ياواد هات عمه ربنا يسوع المسيح ياولد بعدها الولد الي ضربه ابونا جاله حاله نفسيه وفي الوقت دا كان طالب في الجامعه وعنده امتحانات ومش عارف يذاكر وحكي لوالدته وقالها (الشيخ بتاع المسحين غضبان عليا) ومامته راحت و اخدته معاها لست جارتهم وهي مسيحيه وحكيت ليها الموضوع فالست الطيبه قالت دا ابونا طيب خالص تعالي معايا هانروح ليه البيت وفعلا راحوا لابونا واول ماأبونا فتح دخلوا والشاب قالع معلش يا ابونا سامحني وابونا: انت مين يابني الولد قاله: اناا لي كنت خطفت منك العمه ابونا : اه روح يابني ربنا يسامحك والمفاجئة ان الشاب قال ايه دا الي علي الحيطه دا الظابط الي قبض عليا انا واصحابي وجابني القسم ابونا ابتسم وفرح قوووووي وقاله دا مارجرجس الظابط بتاعتنا