حيلة شيطانية جديدة بيستهدفوا بيها الفتيات القبطيات 😲
حيلة شيطانية جديدة بيستهدفوا بيها الفتيات القبطيات
انهارده اتصلت واحده مسميه نفسها و مسميه التروكولر بتاعها بأسم ( الراهبه اغابى )
و بتقول انها من دير القديسة دميانة بالبرارى
و انها هى المسؤلة عن الراهبات هناك ...
رنت على واحده من بناتنا فى قنا
و اشتغلت تحكى معاها و تقريبا كدا كلمت البيت كله ...
راحت الست دى اللى عاملة نفسها راهبة قالت للبنت ، انا جنبى راهب بركة و قديس و بيعمل معجزات و بيعرف المستقبل خدى كلميه و اعترفيله و قوليله على كل اسرارك و اسمه ابونا ميخائيل و هو اب اعتراف دير القديسة دميانة ...
( طبعاً الكلام دا كله غلط فى غلط )
فعلا البنت كلمت الراجل دا بس هى طلعت ناصحه و ماحكتلهوش اى اسرار ...
و فى الاخر اتصلنا بالدير و اتأكدنا ان مافيش راهبه بالاسم دا هناك معاها تليفون شخصى و بتكلم الناس و مافيش راهب بالاسم دا هناك ...
ارجوكم يا جماعة تخلوا بالكم من نفسكم و من بناتكم ، مش اى حد تكلموه و تحكلوه على نفسكم و عن البيت او عن اى حاجه ...
مش اى حد يتصل بيكم تصدقوه و خلاص ، لا اتأكدوا الاول دا مين و بعد كدا اتكلم براحتك .
ربنا يحفظكم من كل شر